C.E.I.P. Sal Lence
Lembramos ás familias da importancia de seguir votando e compartindo as propostas de mellora do centro escolar para lograr que saian adiante.
O próximo xoves 13 de outubro estaremos no local da ANPA de 16:00 a 18:00 para axudar a todos aqueles que non sepan como poden apoiar as propostas. Pasádeos se tedes dúbidas.
Este ano fixemos dúas propostas dentro dos Orzamentos Participativos do concello: Unha os baños e a outra a cuberta.
Apoia as propostas nos seguintes links e envíalas a quen coñezas que esté empadroado na Coruña. Tamén pode votarse presencialmente.
¡Non o esquezas, entre o 6 e 18 de outubro!
Mostramos a continuación o horario provisional de actividades, pendente de revisión e confirmación por parte da Federación de ANPAs.
Se algunha familia está interesada en realizar algún cambio nas actividades de Federación, pode pórse en contacto en inscripcionesprogramaslecer@fedapascoruna.org ou nos teléfonos 649055939 – 698158503
Indicamos a continuación o número aproximado e provisional de inscritos a día de hoxe (sábado 17 de setembro) nas actividades extraescolares ofertadas pola Federación de ANPAS.
O número mínimo de nenos para formar grupo é de 10 e o prazo de inscrición termina este domingo 18.
Detectouse un erro no cadro de actividades de Federación. A actividade Baile Moderno de 4º E.P. aparece duplicada: luns e mércoles de 16:00 a 17:00 e luns e mércores de 17:00 a 18:00. O horario correcto para este grupo é luns e mércoles de 17:00 a 18:00. Os nenos que xa están apuntados serán avisados.
Como aclaración xeral, as actividades extraescolares divídense en tres grupos: Educación Infantil, 1º-3º Educación Primaria e 4º-6º Educación Primaria. Só hai dúas excepcións: Atletismo e Inglés, nas que consideramos que a diferencia de idade pode ser importante e separamos en catro grupos: E.I., 1º-2º E.P., 3º-4º E.P. e 5º-6º E.P. No caso de non haber suficientes inscricións para formar grupo nalgunha destas actividades, pódense reubicar aos nenos noutros grupos de idade similares, previa comunicación coas familias.
Lembramos ós usuarios de comedor, incluídos os bolseiros, que deben aboar á empresa Jardanay o seguro de accidentes, cun importe de 8 euros ao ano por persoa. Este importe vai no primeiro recibo do curso; os bolseiros poden pagalo en man no comedor, daráselles recibo.
Co arranque do curso escolar, comeza a actividade de Conciliaxogos.
O horario é de 16:00 a 17:00 / 18:00. As entradas e saídas faranse pola porta principal.
O cadrante de actividades previstas é o seguinte:
Para este novo curso, no comedor escolar do Sal Lence retomamos a rutina do cepillado de dentes tras as comidas, tanto despois do almorzo (madrugadores) como do xantar. Para iso, todos os usuarios destes servizos deberán levar un estoxo pequeno con cepillo e pasta. Cada dúas semanas, o levarán a casa para a súa limpeza.
Ao igual que en cursos anteriores, tanto a entrada de madrugadores como as saídas do comedor efectuaranse pola porta principal. Os horarios son:
Achegamos a continuación o menú do primeiro trimestre do curso escolar 2022-2023.
O martes 6 de setembro ás 11:00 haberá reunións dos tres cursos de infantil nas súas respectivas aulas.
As familias deberán levar os libros e material para o novo curso, marcado cos nomes dos alumnos.
Publicamos a continuación a proposta provisional de actividades extraescolares deseñada para o curso escolar 2022-2023.
Estas actividades realizaránse desde octubre 2022 a maio 2023. Lembrámosvos de novo que, para participar nelas, as familias deben ser socias da AMPA.
As actividades extraescolares divídense en tres grupos: Educación Infantil, 1º-3º Educación Primaria e 4º-6º Educación Primaria. Só hai dúas excepcións: Atletismo e Inglés, nas que consideramos que a diferencia de idade pode ser importante e separamos en catro grupos: E.I., 1º-2º E.P., 3º-4º E.P. e 5º-6º E.P. No caso de non haber suficientes inscricións para formar grupo nalgunha destas actividades, pódense reubicar aos nenos noutros grupos de idade similares, previa comunicación coas familias.
O pago das actividades farase por cargo na conta bancaria por parte da Federación.
Todos os escolares inscritos (incluídos os bolseiros) aboarán unha única cota anual de 4€ en concepto de seguro de accidentes, que lles dará cobertura a todos os programas de lecer xestionadas pola Federación de Anpas para o curso 22/23. O pago do seguro realizarase por cargo na conta bancaria.
Algunhas das novidades deste curso son:
Actividade de contacontos que fomenta o gusto pola lectura á vez que potencia a imaxinación, curiosidade e a creatividade introducíndoos noutros mundos: reais ou fantásticos. Os contos, historias ou poemas permitirán expresarnos oral e corporalmente; inventando e recreando novos contos e personaxes, apropiándonos das palabras e desenvolvendo así valores estéticos e éticos.
A través da variedade de xogos de lóxica matemática como crebacabezas, ilusións ópticas, parellas, enigmas ou xogos de taboleiro, desenvolveranse habilidades cognitivas como a observación, atención, comprensión, memoria, organización, toma de decisións, xestión emocional e velocidade de pensamento.
Propostas lúdicas relacionadas co ritmo, a música e o movemento.
É unha actividade na que partindo dun centro de interese, os nenos xerarán a súa propia aprendizaxe a través da indagación/investigación e experimentación, fomentando á vez o espírito crítico e o traballo en grupo. Desenvolveranse diferentes contidos coma a expresión plástica, musical, corporal e teatral, a animación á lectura, a lóxica matemática, a actividade motriz, etc. A temática cambiará cada trimestre.