Mentres continúe o temporal na cidade, seguirán reubicándose no interior as actividades extraescolares que normalmente teñen lugar no patio exterior.
Reubicación actividades extraescolares
Ante a situación de alerta vermella polo temporal que azouta a cidade, as actividades extraescolares que normalmente se ubican no exterior do centro escolar recolocaranse e terán lugar no interior na tarde de hoxe.
Cancelación Baile Moderno
A Federación de ANPAS informános da cancelación, a partir do segundo trimestre, da actividade extraescolar de Baile Moderno (que se realizaba luns e mércores de 17:00 a 18:00 con nenos 4º a 6º de primaria), por non ter suficientes inscritos.
Se algunha familia está interesada en realizar novas inscricións nesta actividade e tentar que se manteña, debe ponerse en contacto coa ANPA ao longo do mércores 21 de decembro.
Patinaxe
Pedimos a todas as familias con nenos en patinaxe e prepatinaxe que, sempre que sexa posible por vir de fóra do colexio, traian postas de casas todas as proteccións (casco, xeonlleiras…), para aforrar tempo de preparación e ter máis tempo para a actividade.
Grazas a todos pola vosa colaboración.
URXENTE Entradas e saídas actividades por Avenida de Oza
Por motivos de organización, as entradas e saídas de todas as actividades faranse polas portas principais do centro en Avenida de Oza a partir de hoxe.
Portas acceso actividades
Detallamos as portas de acceso para as entradas e saídas das actividades extraescolares, desde o luns 3 de outubro en adiante.
Se hai dous ou máis irmáns, as saídas e entradas farase conxuntamente pola porta da actividade do máis pequeno.
- Rúa Buenavista: Prepatinaxe, Patinaxe e Atletismo.
- Porta principal Avenida de Oza (a do lado do comedor): Colorín Colorado, Comecocos, Proxectos (infantil), Predeporte, Xogos Rítmicos, Teatro
- Porta escaleiras Avenida de Oza: Inglés, Judo, Proxectos (primaria), Ritmo, Baile Moderno, Xenios, Escape Room
Este reparto é provisional, poderá axustarse según as necesidades detectadas ao longo do curso.
Autorización Extraescolares Inglés con Nottingham
Lembramos a todas as familias con nenos que vaian acudir á actividade extraescolar de inglés con Nottingham, deben enviar por email o documento indicando as persoas autorizadas para a recollida dos alumnos.
As profesoras non coñecen a pais, nais, avós… Polo que nesta autorización deben estar incluídos todos eles.
Hai que envialo ás seguintes direccións de correo electrónico: admin@nottinghamenglish.com; nottinghamacademy@outlook.com
Débese achegar tamén a fotocopia do DNI das persoas autorizadas.
Por favor, dentro do posible intentade facelo entre hoxe e mañán, xa que a actividade dará comezo o próximo luns.
Horario definitivo actividades, comezan o 3 de outubro
Xa temos confirmación da Federación de ANPAs coas actividades que se porán en marcha a partir do próximo lunes, 3 de octubre.
De acordo aos criterios marcados, formarase grupo cando haxa un mínimo de 10 escolares por grupo de actividade. Con todo, co fin de favorecer novas inscricións e condicionado a poder alcanzar o número esixido, os grupos de 8 e 9 escolares comezarán igualmente a partir do 3 de outubro. En caso de non producirse novas altas o grupo causará baixa a partir de xaneiro.
Igualmente, se ao longo deste trimestre o número de escolares que acoden á actividade, quedasen por baixo do número mínimo necesario para comezar a actividade, daríase de baixa o grupo, tentado na medida do posible recolocalos noutra actividade acorde ao seu tramo de idade e horario.
- Atletismo: fórmase un único grupo cos nenos de 3º a 6º de E.P. (luns e mércores de 16:00 a 17:00)
- Proxectos: grupo unificado de toda E.P. (1º-6º).
- Escape Room (4º-6º): non se chega ao número mínimo de escolares inscritos, xa que son 8. Con todo, a actividade comeza igualmente a partir do próximo luns, condicionada a que se cheque ao número de 10 inscritos para continuar a partir de xaneiro.
- Escola de Maxia (4º-6º): non se forma grupo.
- O resto de actividades ofertadas por Federación, Inglés e Judo saen según o horario inicial.
Actividades Extraescolares 2022-2023
Mostramos a continuación o horario provisional de actividades, pendente de revisión e confirmación por parte da Federación de ANPAs.
- Escola de Maxia (4º-6º) non sae, por non formarse grupos
- Atletismo: non se chega ao número mínimo de 10 inscritos nin no grupo 3º-4º nin no de 5º-6º E.P. Proponse formar un único grupo, cos nenos de 3º a 6º de E.P. Pendente confirmación por parte de Federación.
- Proxectos: ao non chegar ao número de 10 inscritos na franxa 4º a 6º E.P., intentarase integralos xunto co grupo de 1º a 3º E.P. para formar un grupo unificado de toda E.P. (1º-6º). Pendente confirmación por parte de Federación.
- Escape Room (4º-6º) pendente confirmación por parte de Federación de grupo, xa que non se chega ao número mínimo de escolares inscritos.
- Inglés: confírmase a actividade para todas as franxas de idade. Dous grupos en E.I., 1º-2º e 3º-4º de E.P. Un único grupo en 5º-6º E.P.
- O resto de actividades ofertadas por Federación e Judo saen según o horario inicial.
Se algunha familia está interesada en realizar algún cambio nas actividades de Federación, pode pórse en contacto en inscripcionesprogramaslecer@fedapascoruna.org ou nos teléfonos 649055939 – 698158503
Confirmación actividades Inglés e Judo
Tanto a actividade de Inglés como a de Judo tiveron as suficientes inscricións como para formar grupos, polo que todos os nenos apuntados teñen praza.
De Inglés, Nottingham enviará un email ás familias, coa confirmación de praza e indicando medio de pago.
De Judo, as familias xa dispoñen de información de pago na solicitude que cubriron. Nos próximos días publicaremos unha actualización co cuadrante definitivo das actividades de Federación.
